ከዝውውሮቹ በስተጀርባ ያሉ መረጃዎች

• ሊቨርፑል ቤን ዴቪስን በ 1.6 ሚልዮን ፓውንድ ዋጋ ከ ፕሪስተን ሲያስፈርሙ የመርሲሳይዱ ክለብ በተቃራኒው ሴፕ ቫን ደን በርግን በውሰት ለፕሪሰተን ሰጥተዋል ።

• ቤን ዴቪስ በአመቱ መጨረሻ ከ ኮንትራት ነፃ መሆኑን ተከትሎ የስኮትላንዱን ሴልቲክ ለመቀላቀል ከጫፍ ደርሶ ነበር ።

• ቤን ዴቪስ ለ ፕሪስተን 135 ጨዋታዎችን ከ 2017/18 የውድድር ዓመት አንስቶ በቋሚነት ማድረግ ችሏል ።

• ሜትላንድ ኒልስ በ ሳውዝሀምፕተን እና ሌስተር ሲቲ በጥብቅ ቢፈለግም ክለቡ አርሴናል ተቀናቃኝ ክለቦችን ለማጠናከር ባለመፈለግ ወደ ዌስት ብሮም እንዲያቀና አድርገውታል ።

• አርሴናል ኒልስ ወደ ሳውዝሀምፕተን እንዲያቀና ቢፈልጉም ክለቡ በአመቱ መጨረሻ ተጫዋቹን ለመግዛት መፈለጋቸው ዝውውሩ እንዳይሳካ አድርጎታል ።

• የማርቲን ኦዴጋርድ መምጣት ቦታውን እንደሚያሳጣው የታመነው ጆ ዊሎክ ወደ ኒውካስትል ሊያመራ አስችሎታል ።

• ዊሎክ በአርሴናል ቤት የሊጉን የመጀመሪያ ጨዋታ ማድረግ የቻለው ከ አዲሱ ክለቡ ኒውካስትል ጋር ነበር ።

• ታኩሚ ሚናሚኖ ወደ ሳውዝሀምፕተን በውሰት ሲያቀና የተጫዋቹን ደሞዝ ጨምሮ የውሰት ክፍያ ሳውዝሀምፕተን እንደሚሸፍኑ ተገልጿል ።

• ሚናሚኖ በዘንድሮው የውድድር ዓመት ለ ሊቨርፑል ስምንት ጨዋታዎችን ብቻ ማካሄድ ችሏል ።

• ሳውዝሀምፕተን የውሰት ውሉ ሲጠናቀቅ ተጫዋቹን የግላቸው ማድረግ ቢያልሙም በ ክሎፕ ተቀባይነትን አላገኘም።

• የተጠናቀቁ የዝውውር መረጃዎች