ድሬዳዋ ከተማ ወላይታ ዲቻን 2ለ1 አሸነፈ

ለድሬዳዋ ከተማ አስቻለው ግርማ በ13ኛው ደቂቃ እና ሙህዲን ሙሳ በ36ኛው ደቂቃ ጎል አስቆጥረዋል። ለወላይታ ዲቻ ብቸኛዋን ግብ ፀጋዬ ብርሀኑ በ34ኛው ደቂቃ ከመረብ አሳርፏል።

በቤትኪንግ የኢትዮጵያ ፕሪምየር ሊግ 5ኛ ሳምንት ሁለተኛ ቀን ውሎ ረፋድ ላይ ወላይታ ድቻን  በማሸነፍ የውድድር ዘመኑን ሁለተኛ ድሉን ያስመዘገበው ድሬደዋ ከተማ በሊጉ የደረጃ ሰንጠረዥ  በአራት ነጥብ እና በአንድ የጎል እዳ በስምንተኛ ደረጃ ላይ ሲቀመጥ ወላይታ ዲቻ ደግሞ በሶስት ነጥብ እና በአንድ የጎል እዳ በ11ኛ ደረጃ ላይ ተቀምጧል።

የሊጉ አምስተኛ ሳምንት መርሃ ግብር ዛሬ ከሰዓት ሲቀጥል 9 ሰዓት ላይ ባህርዳር ከተማ ከፋሲል ከነማ ጋር እንደሚጫወቱ የወጣው መርሃ ግብር ያሳያል።