አዲስ አዳጊዎቹ ፉልሀሞች ሊቨርፑልን ነጥብ አስጣሉ

አዲስ አዳጊዎቹ ፉልሀሞች ሊቨርፑልን ነጥብ አስጣሉ

የመርሲሳይዱ ክለብ ሊቨርፑል ዛሬ ከአዲስ አዳጊው ሊቨርፑል ጋር ባደረጉት ጨዋታ ነጥብ ተጋርተው ወጥተዋል ።

በ2023/23 የኢንግሊዝ ፕሪሚየር ሊግ ለዋንጫ ፉክክር የሚጠበቁትና ባሳለፍነው አመት ከሻምፒዮኖቹ ማንቸስተር ሲቲዎች በአንድ ነጥብ ዝቅ ብለው የጨረሱት ቀያዮቹ ሊቨርፑሎች የውድድር አመቱን በአቻ ውጤት ጀምረዋል ።

ጨዋታው በተጀመረ 35 ኛው ደቂቃ የፉልሀሞች ወሳኝ አጥቂ የሆነው ሚትሮቪች ግብ አስቆጥሮ ጨዋታው በአዲስ አዳጊዎቹ ፋልሀሞች አንድ ለዜሮ መሪነት እስከ 64ኛው ደቂቃ ድረስ እንዲቆይ አስቻለ ። 64ኛው ደቂቃ ላይ ተቀይሮ የገባው አዲሱ የሊቨርፑል ፈራሚ ዳርዊን ኑኔዝ ግብ አስቆጥሮ ሊቨርፑላዊያንን አቻ አደረገ ።

ብዙም ሳይቆይ በ71ኛው ደቂቃ ፉልሀሞች ያገኙትን ፍፁም ቅጣት ምት ልማደኛው ሚትሮቪች አስቆጥሮ ደግም ፉልሀሞችን መሪ ቢያደርግም የፋልሀሞች መሪነት መዝለቅ የቻለው ለ10 ደቂቃዎች ያክል ነበር ። በ81ኛው ደቂቃ ግብፃዊው ሞሀመድ ሳላህ አስቆጥሮ ሊቨርፑልን አቻ አደረጎ ጨዋታው 2 ለ 2 በሆነ ውጤት ተጠናቋል ።

ኡራጋያዊው ዳርዊን ኑኔዝ በሊቨርፑል ቤት የመጀመሪያውን የፕሪሚየር ሊግ ግብ ማስቆጠር ችሏል ።

ሀሳብ አስተያየትዎን ይለግሱን
በፈቃደኝነት ላይክ ሼር ኮሜንት ያድርጉ እናመሰግናለን ።

Ananiya Feleke