ማንቸስተር ሲቲዎች የቫሌንሲውን ፈርናን ቶሬዝን የግላቸው ማድረጋቸውን ይፋ አድርገዋል ።

የፔፕ ጋርዲዮላዎቹ ማንቸስተር ሲቲዎች የአውሮፓ ሻምፒዮንስ ሊግ እገዳው ከተነሳላቸው በኋላ የዝውውር መስኮቱ ላይ በንቃት እየተሳተፉ ይገኛሉ ።

ይህንንም ተከትሎ ዘንድሮ ከማንቸስተር ሲቲ የወጣው የመሀል ሜዳውን ኳስ አቀጣጣይ ዴፊድ ሲልቫን ለመተካት የቫሌንሲውን ፈርናን ቶሬዝን የግላቸው ማድረጋቸውን ይፋ አድርገዋል ።

ውሀ ሰማያዊዎቹ ማንቸስተር ሲቲዎች ለ20 አመቱ ታዳጊ ለፈርናን ቶሬዝ 20ሚሊዮን ዮሮ የከፈሉ ሲሆን ወደፊት እስከ 7 ሚሊዮን ዮሮ የሚጨምሩ ይሆናል ።

ከዝውውሩም በኋላ ፈርናን ቶሬዝ ወደ ሲቲ ስለተቀላቀልኩ ደስተኛ ነኝ ሲል ተሰምቷል ።

አሰልጣኝ ፔፕ ጋርዲዮላም በቀጣይ የቀድሞ የቼልሲ አሁን የበርንማውዝ ተከላካይ የሆነውን ናታን አኬን በ41 ሚሊዮን ዮሮ ለማስፈረም መስማማታቸው በስፋት እየተዘገበ ይገኛል ።