ቼልሲ ሽንፈተን ሲያስተናግድ ቶተንሀም ጣፋጭ ድል አስመዝግቧል ።

ቼልሲ ሽንፈተን ሲያስተናግድ ቶተንሀም ጣፋጭ ድል አስመዝግቧል ።

በአስራ አራተኛው ሳምንት የእንግሊዝ ፕሪሚየር ሊግ ጨዋታ ቼልሲ በብራይተን ያልተጠበቀ ሽንፈት አስተናግዷል።

አራት ጎሎች ትሮሳርድ ፣ ፓስካል ግሮብ እንዲሁም ሎፍተስ ቼክ እና ቻሎባህ በራሳቸዉ መረብ ላይ አስቆጥረው የምዕራብ ለንደኑን ቼልሲ 4 ለ 1 በሆነ ውጤት አሸንፈዋል ።

ቼልሲን ከሽንፈት ያላዳነች ብቸኛ ጎል ካይ ሀቨርትዝ ሲያስቆጥር አሰልጣኝ ግርሃም ፖተር ቼልሲን ከተረከቡ በኋላ በፕሪሚየር ሊጉ የመጀመሪያ ሽንፈታቸዉን በቀድሞ ክለባቸዉ ብራይተን አስተናግደዋል ።

በቀጣይ የሊጉ መርሐ ግብር ቼልሲ ከ አርሰናል እንዲሁም ብራይትን ከ ዎልቭስ የሚገናኙ ይሆናል።

ሌላ በተመሳሳይ ሰዓት በተደረገ ጨዋታ ቶተንሀም ጣፋጭ ድል አስመዝግበዋል ።

የአሰልጣኝ አንቶኒዮ ኮንቴዎቹ ቶተንሀሞች 2 ለ 0 ከመመራት ተነስተው አዲስ አዳጊውን በርንማውዝ 3 ለ 2 መርታት ችለዋል ።

ለቶተንሀሞች ሴሴኞ ፣ ዴቪስ እና ቤንታናኩር ግቦቹን ሲያስቆጥሩ ለበርንማውዝ ደግሞ ሞር 2 ግቦች አስቆጥሯል ።

ሌሎች በተመሳሳይ ሰዓት የተደረጉ መርሀ ግብሮች

ብሬንትፎርድ 1-1 ወልቭስ

ኒውካስትል 4-0 አስቶን ቪላ

ክሪስታል ፓላስ 1-0 ሳውዛምፕተን