ፋሲል ከነማ የመልስ ጨዋታ

በካፍ ኮንፌዴሬሽን ካፕ የመጀመርያውን ጨዋታ ከሜዳው ውጭ የተጫወተው ፋሲል ከነማ የመልሱን ጨዋታ የሚያደርግበት ሜዳ ታውቋል።

አፄዎቹ ከቱኒዚያው ዩኤስ ሞናስቲር ጋር ባሳለፍነው ሳምንት ጨዋታቸውን አድርገው ሁለት ለዜሮ በሆነ ውጤት ተሸንፎ መመለሳቸው ይታወሳል። የመልሱን ጨዋታ በሜዳው በባህር ዳር ዓለም አቀፍ ስታዲየም እንደሚያደርጉ ቢታሰብም አሁን ካለው ሀገራዊ ሁኔታ አንፃር የሚጫወቱበት ሜዳ እንደ ኢትዮጲያ ብሔራዊ ቡድን ሁሉ አዲስ አበባ ስታዲየም የመልስ ጨዋታቸውን ያደርጋሉ ።

ለዚህም ካፍ ውድድሩን የሚመሩትን ዳኞች፣ ኮሚሽነሮች እና የኮቪድ ፕሮቶኮል ተወካዮችን በሙሉ ጨዋታው አዲስ አበባ እንደሚደረግ በላከላቸው ደብዳቤ አሳውቋቸዋል። ይህን ተከትሎ ጨዋታው ህዳር 27፣ 2013 በ10፡00ሰዓት ላይ እንዲደረግ መርሐ ግብር ወጥቷል።

ፋሲል ከነማ ከሞናስቲር ጋር በነበረው ጨዋታ ከሜዳው ውጪ ሽንፈት ቢደርስበትም እሁድ በሚደረገው የመልሱ ጨዋታ በማሸነፍ ወደ ቀጣዩ ዙር ለማለፍ ከዛሬ ጀምሮ ዝግጅት እንደሚጀመር ታውቋል። ፋሲል ከነማ ወደ ቀጣዩ ዙር ለማለፍ ዩ ኤስ ሞናስቲርን ከሁለት ጎል በላይ በማስቆጠር የማሸነፍ ግዴታ ውስጥ ገብቷል።