የሉሲዎቹ ተተኪዎች የመጨረሻው ምዕራፍ ላይ ደርሰዋል።

በኮስታሪካ አዘጋጅነት ዘንድሮ ለ10ኛ ጊዜ የሚካሄደው ከ20 አመት በታች ሴቶች የአለም ዋንጫ ለማለፍ የኢትዮጵያ ከ2ዐ አመት በታች ሴቶች ብሄራዊ ቡድን በ4ኛው ዙር ከ ታንዛኒያ አቻው ጋር የመልስ ጨዋታውን በአበበ ቢቂላ ስታዲየም አካሂዶየመጀመሪያ ዙር ከ ሳምንት በፊት ወደ ዛንዚባር አቅንቶ 1-0 በሆነ ጠባብ ውጤት መሸነፉ ይታወሳል። ዛሬ የመልስ ጨዋታውን አካሂዶ 2-0 በሆነ ውጤት አሸንፈው የመጨረሻው ምዕራፍ ላይ ደርሰዋል። እውነት ለመናገር ያን ያህል ትኩረት የማይሰጠው የሴቶች ከ20 አመት በታች እግር ኳስ ብሄራዊ ቡድን ከአስደናቂ ብቃት ጋር ውጤቱን በመቀልበስ በድምር ውጤት 2-1 በሆነ ውጤት ማሸነፍ ችሏል።

ቡሩንዲዋ ኢንተርናሽናል ዳኛ ሱዋቪስት በመራችው ጨዋታ የመጀመሪያው አጋማሽ ላይ ረድኤት አስረሳኸኝ ባስቆጠረችው ግብ 1-0 እየመራ ለእረፍት የወጣ ሲሆን ከእረፍት መልስ በተወሰነ መልኩ ተቀዛቅዞ ታይቷል። አሰልጣኝ ፍሬው ሀ/ገብርኤል በአጠቃላይ 3 ንም ቅያሪዎች ተጠቅሟል 1 አስገዳጅ ቅያሪም አድርጓል። በ81ኛው ደቂቃ ላይ የማዕዘን ምቱን ለማዳን የወጣችው የታንዛኒያዋ ግብ ጠባቂ አሻ ምሪሾ ስታው 16 ከ 50 ላይ በተጠንቀቅ ስትጠብቅ የነበረው ረድኤት አስረሳኸኝ ለራሷም ለቡድኑም ሁለተኛ ግብ ከመረብ አሳርፋለች። የኢትዮጵያ ብሄራዊ ቡድንም በድምር ውጤት 2-1 ማሸነፍ ችሏል።

በቀጣይ ከ ጋና ብሄራዊ ጋር የደርሶ መልስ ጨዋታ ብቻ የሚጠብቀው ሲሆን እሱን ጨዋታ ማሸነፍ ከቻሉ በቀጥታ ለኮስታሪካው የአለም ዋንጫ ቲኬት ይቆርጣሉ።

ሚካኤል ደጀኔ።